شمامه

     از پاسی آووی رافته بیل دیست نکو

          از خود ده خود بلایه 

از دود شی کور شودوم از آشی نخوردوم

اولادی خود خو اگه قد سنگ دیی سنگ ره گیرفته سون تو مایه 

اولادی دیگرو ره اگه قد نان دیی نان ره گرفته توتا مونه

اسیه اگه از آتی تو باشه ام ده نو بده 

آرر اغیل ره رسم شی آرر گوسپو ره پاشوم شی 

آوازی دول از دور خوش نمایه  

آشوقی بنگودی میده شودو دیره  

آدمی قارگی آرغیت کم نصیبه 

   بوز اگه زرد بود نوزغیلی شی ام زرده 

بوز که جان شی توو دشت نانی چیپو ره موخره 

بد نکو که بد وش مونی

بیگر کی نگره 

برادری یک دیست ده جاغه یه یک دیست ده کاسه

بیخی دیگلی شیشتی سیا موشی بیخی لاغو شیشتی روغنی موشی 

باد از گوز زیدو چارقد شیشتو بی فایده یه 

بد برارر باشی بی برارر نباشی 

پیشی بریضای خدا موش نمیگره 

پای خو از کنجیلی آتی خو دراز تر دراز نکو 

پای ترقیده را خدا موزه ندیه  

توره بدل نکو کوچه بدل کو 

تاکی باد نباشد بوته شور نموخره  

توقووی زیاد مهر برادری ره کم مونه 

توری راس ره از زوزاد پورسان کوتوری راس ره از زوزاد پورسان کو 

تفت نکد جوش کد  

تعمی خود مرده واجی قربانی کور نموشه 

جنگل تر و خشک دیره   

چنچه ده نو بده  

خانه موش دیره موش گوش دیره 

خانه پیش از باریش خراب بود بانه ده باریش شود 

خو قد خو شوشته نموشه  

خود کیده نه درد دیره نه دوا 

خویشی به خوشی سودا به رضا 

خوردوم مزه داد شیشتوم پیسه داد  

خورو ره سیل کو نماگ لیسیدو ره  

خوری قرود آووی گرمه 

دل برده ره نوربندی ده کار نیه خواوو برده ره تای سری ده کار نیه 

دوذ دوذ کولی تو سوخت  

دوذ از سایه خو می تیرسه  

ده سر خو بوخر ده دل خو بیگر 

دل ده دل آینه یه  

دیر بوخر سیر بوخر  

درچه کی تنگ بود خانه تریگه  

ده دل روشو روشه  

دانی مردم دروازی شاره  

دو خر بوزه ده یک دیست گرفته نموشه  

روبا از تایی مافتی توتا نمی تینه  

روزی ره خدا اگه داد از موری میدیه 

روزی ره خدا کی داد نه موگیه بچی از کی یی 

روغو ده تایی آش نه مومنه  

زور قالب ندره  

زوری کم قاری بسیار  

سیری ره بل دلی خود خو بیل پاوی ره بل دل دیگرو  

سیل کو که از تای چقگ بال شده ده تای نودو نه شی  

سیر از دل گشنا چی خبره  

سنگی کینه دیست کیدو مانای نا زیدویه  

سنگ دیست کیدو مانای شی جنگه 

شرره بنداز که خیری غریب باشه  

شیری خانه روبی سارا یه 

صد بوله ره ده یگ قول گورگ خورد کس از کس خبر نشود  

قاش ده دوم کیرپک چریدی  

قار کیدو مانای شی سیری یه  

قد دوغی دیگرو اوگره نموشه قد گاوی دیگرو غلبه نموشه 

کور گوسپو ده کرکری رامه یه  

کومیه از دشت چوکری می تیلبه  

کشت نکو کی دیرو مونی 

کاری نکو کی ام از ایرغه بوم نی ام از اود اود 

کوزه آرر روز آرر روز میده نموشه یک یک روز میده موشه 

کونی خود خو ده ناوی دیگرو ندی  

کای کونه ره ارر روز باد نه کش  

گورگ آر چی پیر شونه زوری یک گوسپو ره دیره  

مار گزیده از رسپونی آله بوله می تیرسه  

مورچه دوری مار کد لخشید کون خو اووگار کد  

نا خوانده سری میمبر بور نه شو  

ناخو سون خودی آدم کیل نموشه  

نا دیده تیکی انداخت گیردی تیکی بازی انداخت